ايه رأيك في الحب ؟
انا عارف اني اول مسأل السؤال ده الناس هتقولي ده اعظم حاجه في الدنيا واللي عاش من غير حب كأنه معاشي ومحدش بينجرح اوي غير لما يكون بيحب اوي والحوارات دي
علي فكره انا مش معترض علي الكلام ده خالص بس المشكله بقا عند تقريبا معظم اللي اسمهم بيحبو او اللي حطين المشروع ده في اولوياتهم انه بيحط في دماغه انه عايز يحب في الزمان ده وبعدين يبدأ يدور علي الشخص المناسب في محيطه ولو ملقاش بيختار الحد اللي في الحد الادني من الصفات اللي هو حاططها في دماغه وبعدين يبدأ ينفخ البلونه يعني يفضل بقا يتصوره ويحلم بيه ويبصله ويحكي عنه لاصحابه ويعلق صورته علي جدران قلبه لحد مخلاص وتبدأ البلونه تكبر وخيوط العنكبوت اللي هو نسجها تحاوطه لحد ميصدق الكدبه اللي كبها علي روحه ويفكر انه خلاص وقع في حب الشخص دا وبقا يدوب في دباديبه مع ان معندوش دباديب ويتنيه يعذب نفسه مع انه لو صارح نفسه وقالها انا مش بحب الشخص ده دا مجرد حد بفضي فيه شحنه المشاعر اللي عندي الموضوع هينتهي انما الموضوع بيستمر ويمكن يبقي من الطرفين وسلملي علي الحب الحقيقي
ايه رأيك هو ده الحب ؟
بيتهيألي الحب بيجي للواحد وهو ملهي في الدنيا بيدور عليه مش الشخص اللي يدور عليه ويبدأ يتكون الحب اللي بجد فعشان خاطري
DONT DO THIS AT UR HREAT
1 comment:
اممممممم كلام معقول فعلا
وعد اول ما الاقيه اطبقه ان شاء الله
سعدت بزيارة مدونتك واول تعليق فيها كمان
البوست اللى فات شدنى اول جملتين بصراه مش ماشيه الا لما اقراه
ومبروك دخولك عالم لتدوين
Post a Comment